Maine Mendoza, nakalikom na ng mahigit P500K donasyon para sa pamilyang pinaka-apektado ng COVID-19 lockdown

1186
(Maine Mendoza Instagram)

Higit kalahating milyon na ang nalikom ng aktres na si Maine Mendoza isang Linggo matapos nitong simulan ang pagkalap ng mga donasyon bilang tulong sa mga pamilyang apektado ng COVID-19 lockdown.

Nito lamang Marso 25, inanunsyo ng aktres sa kanyang Twitter na nakalikom na ng kabuuang halaga na P587,677.92 ang kanyang team sa loob ng pitong araw.

Aniya, ang naturang halaga ay nagsilbing financial assistance sa 587 pamilya.

INNITY ADS

“7 days after the launch of DoNation Drive, we have accumulated a total amount of ₱587,677.92. We have sent financial support to 587 families for the past 6 days thru GCash,” ani Maine.

Ibinahagi rin nito ang mga napunatahan ng naturang tulong.




Kaugnay nito, pinasalamatan ni Maine ang mga taong nagpadala ng donasyon at aniya ay bukas pa para sa ibang gustong mag-donate ang kanyang account.

Giit pa ng aktres, hindi raw dito matatapos ang kanyang tulong, patuloy daw siyang magbibigay ng tulong pinansyal sa mas marami pang pamilya sa abot ng kanyang makakaya.