TINGNAN: Ilang artista, kumikilos na sa pagtulong sa mga biktima ng Taal

236
Namahagi ng tulong si Jennica Garcia-Uytinco, kasama ang Alliance Search and Rescue Medical Team sa Barangay Neogan. PHOTO via IG

Kanya-kanyang pamamaraan ang ginagawa ng ilang sikat na personalidad upang makatulong sa mga biktima ng pag-alboroto ng bulkang Taal.

Umakyat na sa higit 30,000 ang bilang ng evacuees sa Batangas at Cavite simula nang sumabog ang bulkan noong Linggo.

Nagsimula na ang binansagang real-life Darna na si Angel Locsin na magtanong sa social media tungkol sa pangangailangan ng mga apektadong pamilya.

INNITY ADS

Nag-post din ang aktres ng impormasyon ng mga maaaring pagdalhan ng donasyon, pati na rin tulong sa mga hayop.

Si Matteo Guidicelli naman, kasama ang ilan mula sa Philippine Army, ay nagtungo sa Sto. Tomas, Batangas para mamahagi ng relief goods na nalikom sa isang supermarket.




Naging katuwang naman ni Jennica Garcia ang Alliance Search and Rescue Medical Team sa pamimigay ng tulong sa halos 400 pamilya sa Barangay Neogan.

View this post on Instagram

Alliance Search and Rescue Medical Team Ang mga litrato na ito ay para sa lahat ng mga nagbigay ng donation at patuloy na nagdadasal para sa kaligtasan ng lahat. Taos pusong pasasalamat po. Sila po ang inyong natulungan. A total of 400 families po sa Neogan Batangas. Hold po muna ang donations ng Tubig at Clothes. Ang kulang po sa ngayon as of January 14, our second day ay ilaw (solar o kandila), N95 mask, LARUAN para makatulong sa stress at trauma ng mga bata, sleeping materials gaya ng banig, malinis na karton, unan, kumot at pera. Mag text o tumawag sa numero ng aking asawa para malaman kung saan ang drop off at makapag schedule naman ng pick up kung hindi madadala sa Runt Office QC: 0921 968 1848 Maraming salamat po!

A post shared by Jennica Garcia-Uytingco (@jennicauytingco) on

Charity bazaar naman ang inorganisa ni Karla Estrada, kung saan mapupunta sa evacuees ang kikitain.

Nangangalap din ng donasyon ang Yes Pinoy Foundation na itinatag ni Dingdong Dantes.

Nakuhanan naman sina Melai Cantiveros at Jason Francisco na nagbabalot ng mga damit at canned goods.

 

Dance Flash Mob for a Cause naman ang inihanda ng mga tagahanga ni Sarah Geronimo.

Nakatakda ang “Tala Para sa Taal” sa Enero 18, sa Luneta Park.

Magsisilbing donasyon ng Popsters ang P100 na registration fee.