#OplanBayanihan: Mga hayop na apektado sa bagsik ng Bulkang Taal, sinagip

184
Courtesy Guardians of the Fur

Sa gitna ng pag-alboroto ng Bulkang Taal, hindi lamang mga tao ang sinasagip ng mga good samaritan, pati na rin ang mga hayop na iniwan sa kalamidad.

Isa-isang iniligtas ng grupong Guardians of the Fur ang mga aso, pusa, at kuneho na umano’y inabandona na kani-kanilang amo matapos silang lumikas sa bayan ng Talisay.

 

 

Nanawagan din sila ng donasyon para sa mga alagang hayop na kanilang inaalagaan ngayon.

INNITY ADS
From Facebook/Aly Montenegro
Panandaliang maninirahan ang mga nailigtas sa animal welfare facility ng nasabing grupo at doon sila maaring kunin ng mga may-ari nito.
Samantala, binuksan ni Edsel Paredes ang kaniyang shelter sa Magallanes, Cavite sa mga hayop na apektado ng bagsik ng Bulkang Taal.
“Bukas po ang aking kennel para sa libreng boarding at pagkain until such time na maging okay na ang sitwasyon,” bahagi ng Facebook post ni Paredes.

Puwedeng magkasya sa pansamantalang evacuation center ang 100 hayop na babantayan at kupkupin hangga’t hindi pa natatapos ang krisis.