Masayang ibinahagi ng Kapuso actress Rufa Mae Quinto ang pananatili nito sa United States kasama ang kanyang asawa’t anak.
Sa Instagram post ng aktres, mapapanood ang video habang nasa labas sila ng isang supermarket.
Biro niya, “Sa kabila ng lahat, go go grocery na! iPhone 7 lang itong cel ko sa USA.”
Kwento ni Rufa, dalawang linggo lang sana silang mananatili doon para ipagdiwang ang Valentines Day at kaarawan ng kanyang anak na si Alexandria.
Ngunit naabutan umano sila ng lockdown kaya nagpasya itong manatili muna sa US lalo pa’t kasama nila ang kanyang paslit.
“First time ko maging housewife and a mom talaga, kasi I work in the Philippines!,” saad ni Rufa.
Natututunan na raw nila ang buhay sa Amerika at nakakilala na rin umano siya ng mga kaibigan.
“Madami din ako natutunan: how to be an American independent girl! Bawal sabaw, nganga, dapat alert and masipag sa gawain bahay. Madaming emotions, (nosebleed) pero now I can see the sunshine and lightness of life,” kwento niya.
“Ito nga ang isa sa ginagawa ko super essentials na, dati kasi I don’t go out. Asawa ko lang ang mag go-grocery. Basta bukas na din mga playground and parks here kaya I’m so happy to share it to you guysh,” dagdag niya.
Samantala, naitala na mayroon ng mahigit 1.2 million cases ng COVID-19 sa US at78, 652 deaths ayon sa World Health Organization (WHO) noong Martes.
